Mirësevini, vizitor! [ Regjistrohu | Kyqu

€0

TRAJNIM DHE KONSULENCË INDIVIDUALE (FALAS) NË FUSHËN E NDËRMARRËSISË

  • Qyteti: Tjetër
  • Shteti: Kosov
  • Kodi postar: 10000
  • Postuar: 07/12/2021 5:55 am
  • Skadon: 47 ditë, 6 orë
243023009_23848577029260107_5298908657407675146_n

Përshkrimi


Qëllimi i këtij projekti është riintegrimi i qëndrueshëm i të riatdhesuarve si dhe përkrahja e përfituesve të tjerë lokal, përmes ngritjes së kapaciteteve për vetëpunësim dhe ndërmarrësi, si dhe lehtësimit të qasjes në financa tek donatorët dhe institucionet bankare.

Ky projekt implementohet nga SMART Innovation Centre dhe financohet nga Deutsche Gesellschaft für Internationale Zusammenarbeit (GIZ) GmbH në emër të Qeverisë Gjermane.

Trajnimi dhe konsulenca individuale do të përfshijë fushat, si në vijim:

  1. Krijimi i ideve biznesore të qëndrueshme;
  2. Hulumtimi i tregut dhe zhvillimi i produkteve;
  3. Plani i marketingut;
  4. Planifikimi financiar dhe investues, dhe çasja në financa;
  5. Bazat e kontabilitetit, aspekti administrativ dhe juridik;
  6. Zhvillimi i planit të biznesit dhe prezantimi;
  7. Plani strategjik i biznesit, dhe
  8. Plani i veprimit.

Përfitues të këtij projekti do të jenë kandidatë nga të gjitha komunat e Republikës së Kosovës. Trajnimet dhe konsulenca do të ofrohen në 7 qendrat regjionale të Kosovës (Prishtinë, Prizren, Ferizaj, Gjilan, Pejë, Gjakovë dhe Mitrovicë).

Trajnimi do të zgjas 5 ditë, ndërsa për datën e saktë dhe adresën ku do të realizohen trajnimet, kandidatët e përzgjedhur do të njoftohen me kohë (pas formimit të grupeve).

Pjesëmarrësit në fund të trajnimit do të certifikohen dhe do të përfitojnë nga shërbimet e tjera të konsulencës individuale.

Kriteret për aplikim:

  • Të jetë mbi moshën 18 vjeç;
  • Të jetë banorë i/e Republikës së Kosovës;
  • Të posedoj dokument (letërnjoftim, pasaport apo patent shofer) valid të Republikës së Kosovës; Të jetë i gashtëm të zhvillojë ide biznesi bazuar në aftësitë e tyre;
  • Personat e riatdhesuar do të kenë përparësi të përfitojnë nga ky projekt.

Ky trajnim do të ofrohet falas dhe pjesëmarrësve do të ju kompensohen shpenzimet e ushqimit dhe transportit.

Afati i fundit për aplikim: 08.10.2021

Aplikimin mund ta bëni online duke klikuar në linkun: https://www.sic-ks.com/form

Për më shumë informata, ju lutem na kontaktoni përmes: Tel.: +383 (0) 45 817-477 apo E-mail adresës: info@sic-ks.com


84 total views, 6 today

  

Listing ID: 90261aa2f9728820

Sponsored Links